1मण लगै बीज का, 5 मण का फूकैगा डीजल और औजार !
5 मण लगै DAP यूरिया, 2 मण दवाई कीड़ेमार !!
माह पौ का जाड़ा तू लावे पानी, यो सोवै सै संसार !
5 मण यो डाक्टर लेज्यागा जै पड़ज्या तू बीमार!!
5 मण कि आवै किस्त KCC की, 5 मण छोड़ै कोनी साहूकार !
ईब 2 मण लेज्या यो ताऊ खट्टर, 5 मण तेरे लगै कटाई !
1 मण डूम मिरासी भाई नै चाहिए, 5 मण लागैगी कढ़ाई !!
1मण लेज्यां साधु फ़क़ीर, 2 मण खाज्यां ये आढ़ती !
1मण गऊशाला मैं खावे गऊ माता, 1 मण खावेंगे जिन्दोर !!
तैनै समझाऊ सूं, भड़क कै नै मत करिये किसे तै तकरार !
नहीं तो 2 मण बचे सै उसनै लेज्यागा थानेदार !!
ना ज्यादा राजी हो मेरे पिया , तेरे पल्ले के घंटा पड़न देंगे !
खामखां मारै सै मँड़ासा, तन्ने के ये सहजे जी लेण देंगे!!
By: Karm Dhull
No comments:
Post a Comment